65. Song—Rantin Rovin Robin
THERE 1 was a lad was born in Kyle,
But whatna day o’ whatna style,
I doubt it’s hardly worth the while
To be sae nice wi’ Robin.
Chor.
—Robin was a rovin’ boy,
Rantin’, rovin’, rantin’, rovin’,
Robin was a rovin’ boy,
Rantin’, rovin’, Robin!
Our monarch’s hindmost year but ane
Was five-and-twenty days begun, 2
’Twas then a blast o’ Janwar’ win’
Blew hansel in on Robin.
Robin was, &c.
The gossip keekit in his loof,
Quo’ scho, “Wha lives will see the proof,
This waly boy will be nae coof:
I think we’ll ca’ him Robin.
”
Robin was, &c.
“He’ll hae misfortunes great an’ sma’,
But aye a heart aboon them a’,
He’ll be a credit till us a’—
We’ll a’ be proud o’ Robin.
”
Robin was, &c.
“But sure as three times three mak nine,
I see by ilka score and line,
This chap will dearly like our kin’,
So leeze me on thee! Robin.
”
Robin was, &c.
“Guid faith,” quo’, scho, “I doubt you gar
The bonie lasses lie aspar;
But twenty fauts ye may hae waur
So blessins on thee! Robin.
”
Robin was, &c.
Note 1.
Not published by Burns.
[back]
Note 2.
January 25, 1759, the date of my bardship’s vital existence.
—R.
B.
[back]
Poem by
Robert Burns
Biography |
Poems
| Best Poems | Short Poems
| Quotes
|
Email Poem |
More Poems by Robert Burns
Comments, Analysis, and Meaning on 65. Song—Rantin Rovin Robin
Provide your analysis, explanation, meaning, interpretation, and comments on the poem 65. Song—Rantin Rovin Robin here.
Commenting turned off, sorry.