194. Song—Blythe was She
Chorus.
—Blythe, blythe and merry was she,
Blythe was she but and ben;
Blythe by the banks of Earn,
And blythe in Glenturit glen.
BY 1 Oughtertyre grows the aik,
On Yarrow banks the birken shaw;
But Phemie was a bonier lass
Than braes o’ Yarrow ever saw.
Blythe, blythe, &c.
Her looks were like a flow’r in May,
Her smile was like a simmer morn:
She tripped by the banks o’ Earn,
As light’s a bird upon a thorn.
Blythe, blythe, &c.
Her bonie face it was as meek
As ony lamb upon a lea;
The evening sun was ne’er sae sweet,
As was the blink o’ Phemie’s e’e.
Blythe, blythe, &c.
The Highland hills I’ve wander’d wide,
And o’er the Lawlands I hae been;
But Phemie was the blythest lass
That ever trod the dewy green.
Blythe, blythe, &c.
Note 1.
Written at Oughtertyre.
Phemie is Miss Euphemia Murray, a cousin of Sir William Murray of Oughtertyre.
—Lang.
[back
Poem by
Robert Burns
Biography |
Poems
| Best Poems | Short Poems
| Quotes
|
Email Poem |
More Poems by Robert Burns
Comments, Analysis, and Meaning on 194. Song—Blythe was She
Provide your analysis, explanation, meaning, interpretation, and comments on the poem 194. Song—Blythe was She here.
Commenting turned off, sorry.