Tere Khaas Hone Ka Ehsaas
Tujhse shikaayat nahi rakhti main,
Tere manaane ka andaaz,
Kaafi pasand hai mujhe
Har baat kitni gaur se sunta hai tu meri,
Sochti hoon, badle mein aisa kya doon tujhe?
Kuch aisa...
Ki tujhe dekhkar samundar bhi pighal jaaye,
Kuch aisa...
Ki chaand apni roshni mein kho jaaye,
Kuch aisa...
Ki taare bhi apni chamak bhool jaayein,
Kuch aisa...
Ki raaste apni manzil kho dein,
Kuch aisa...
Ki raat kabhi khatam hone ka naam na le.
Par kya karoon,
Jitna mere liye tu khaas hai,
Utna khaas toh kabhi kuch mila hi nahi mujhe...
Copyright © Krishika Upadhyay | Year Posted 2024
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.
Please
Login
to post a comment