Maranao Poem - Obar Obar
~OBAR OBAR~
·
Obar-obar a lombay
a p'phamag ombos-ombos
sa ginawang ka rombosan
na olin ingka di mathay
sa ba kolapt tomabid
na 'bakobo maka mbkaw
ko balin'tad o rupaan ...
·
Na pangali ingka rakz
a nayaw angka manugon
a lomombay so raon ko
ka obabo sa lumanit
so tompa o obar akn
ka p'phamara marayong
so karimpoong i ladn ...
·
Na pakaid ingka rakz
ka kadaan ta pakaig
Na oba sambi a laon
a phangti so kaigan
na ramsangka itado
sa bapiya namog akn
ko tkd o iphipita ...
·
Na panimo angka rakz
i mirams'a ko botha
ka obako kamarai
na diyako phiya mbkaw
na ombayank so lupa,
na toos a ilalaon
na malayon so sapadn...
·
Na samborak ingka sa ig
a romamson so anggaw
na oba pman pmbayog
a sambr so endow bagr
na rnding nka rakn
so riyayaran sa pokt
ka madidi a makarn ...
·
Na asar a lomombaya
a mag obar-obar ako
sa mailp o tamaing
goso manga papanok
rakhs o paro-paro
na initangkap aladn
a miyaka pantao ako ...
·
Obar-obar inam'bar
a obaya aya bnar
na oba mambo mabmbar
ka abog-abogn a dar
na lomumbay bo a datar
na matago ta 'inditar
a L'mba aka khabnar...
·
~ By: dsr, Khadaffy D. Mangondato
Copyright © Khadaffy D. Mangondato | Year Posted 2015
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem.
Please
Login
to post a comment