Free online greeting card maker or poetry art generator. Create free custom printable greeting cards or art from photos and text online. Use PoetrySoup's free online software to make greeting cards from poems, quotes, or your own words. Generate memes, cards, or poetry art for any occasion; weddings, anniversaries, holidays, etc (See examples here). Make a card to show your loved one how special they are to you. Once you make a card, you can email it, download the photo graphic, or share it with others on your favorite social network site like Facebook. Also, you can create shareable and downloadable cards from poetry on PoetrySoup. Use our poetry search engine to find the perfect poem, and then click the camera icon to create the card or art.
Enter Title (Not Required)
Enter Poem or Quote (Required)
HEAR, Land o’ Cakes, and brither Scots,
Frae Maidenkirk to Johnie Groat’s;—
If there’s a hole in a’ your coats,
I rede you tent it:
A chield’s amang you takin notes,
And, faith, he’ll prent it:
If in your bounds ye chance to light
Upon a fine, fat fodgel wight,
O’ stature short, but genius bright,
That’s he, mark weel;
And wow! he has an unco sleight
O’ cauk and keel.
By some auld, houlet-haunted biggin,
Or kirk deserted by its riggin,
It’s ten to ane ye’ll find him snug in
Some eldritch part,
Wi’ deils, they say, L—d save’s! colleaguin
At some black art.
Ilk ghaist that haunts auld ha’ or chaumer,
Ye gipsy-gang that deal in glamour,
And you, deep-read in hell’s black grammar,
Warlocks and witches,
Ye’ll quake at his conjuring hammer,
Ye midnight bitches.
It’s tauld he was a sodger bred,
And ane wad rather fa’n than fled;
But now he’s quat the spurtle-blade,
And dog-skin wallet,
And taen the—Antiquarian trade,
I think they call it.
He has a fouth o’ auld nick-nackets:
Rusty airn caps and jinglin jackets,
Wad haud the Lothians three in tackets,
A towmont gude;
And parritch-pats and auld saut-backets,
Before the flood.
Of Eve’s first fire he has a cinder;
Auld Tubalcain’s fire-shool and fender;
That which distinguished the gender
O’ Balaam’s ass:
A broomstick o’ the witch of Endor,
Weel shod wi’ brass.
Forbye, he’ll shape you aff fu’ gleg
The cut of Adam’s philibeg;
The knife that nickit Abel’s craig
He’ll prove you fully,
It was a faulding jocteleg,
Or lang-kail gullie.
But wad ye see him in his glee,
For meikle glee and fun has he,
Then set him down, and twa or three
Gude fellows wi’ him:
And port, O port! shine thou a wee,
And THEN ye’ll see him!
Now, by the Pow’rs o’ verse and prose!
Thou art a dainty chield, O Grose!—
Whae’er o’ thee shall ill suppose,
They sair misca’ thee;
I’d take the rascal by the nose,
Wad say, “Shame fa’ thee!”
Enter Author Name (Not Required)