Submit Your Poems
Get Your Premium Membership


See and share Beautiful Nature Photos and amazing photos of interesting places





Best Zaka Khalid Poems

Below are the all-time best Zaka Khalid poems as chosen by PoetrySoup members

View ALL Zaka Khalid Poems

Details | Zaka Khalid Poem

ARZOO

Shab-e-eArzoo ke daman main,
Aik deep jalaye bethe hain,

Teri yaad ki sham'en roshan hain,
Aik aas lagaye behte hain,

Tum bin mera guzara nhi mumkin,
Bas ye baat batane bethe hain,

Meri rag rag main tu hi behta hay,
Tere pyar ka udhar chukane bethe hain,

Tere ane ka waqt ho chuka hay Sharqi,,,
Yahi aas dil se lagaye bethe hain.....!


Details | Zaka Khalid Poem

HAMD

Tu hi hay meri banddagi ka markaz,
Tujhe hi paana hay meri zindagi ka maqsad,

Tu hi hay jo meray kaam dekhta hay,
Aur meri zaat ka Tu hi hay aik sarparast,

Tujhse mohabbat meri fitrat main hay shamil,
Tu hi hay Malik-e-Khaliq-o-barhaq,

Tujhe hi main din raat yaad krta hun,
kyun kay Tu hi hay meri mohabbaton ka maslak,

Tu hi hay khud Nazir-o-Manzoor bhi,
Main Tujhi ko chahta hun har dum har waqt,

Teri mohabbat ne meri zindagi sawaar di hay,
Warna Teray bina to jeena mera mahal hay,

Qurbaan jaye sharqi Tere andaz-e-hukmirani par,
Tu hi hay Rab-e-zuljalal aur Muhafiz-o-Nighban-e-Momin....!


Details | Zaka Khalid Poem

Khwahish

Ajeeb-o-ghareeb si hay meri har "khwahish",
Lakar har kisi kay dar par phenk jati hay "khwahish",

Kuch waqt tk main jis ka pecha kia krta tha,
Ab aik lahasil si bn chuki hay wo "khwahish",

Jo ujagar ki thi mene apne mafad ki khatir,
Ab meray gale main phanda hay wahi "khwahish",

Likh Likh jata hay "sharqi" teri yaad main aksar,
Jb Jb use yaad ati hay tujhe panay ki "khwahish"....!


Details | Zaka Khalid Poem

ARMAAN

Roz chaman ki wadi main ,
Kuch phool khila karte hain,

Teri yaadon ki pemaish main,
Kuch ansoo baha karte hain,

Meri taanhaiyon ko bantne ko,
Kuch zakhm bhi aya krte hain,

Teri yaad main aksar jal jal kar,
Meray dil ke armaan masq ho jate hain,

Main tere naam ki tasbeeh krta hun,
Teri yaad ki atiish main jalta hun,
Tujhe roz pukara krta hun,
Par armaan dhal dhal jate hain.....!


Details | Zaka Khalid Poem

Mohabbat

Mohabbat ho nhi skti
Mohabbat ho hi jati hay,

Kabhi yaadon kay melon main 
ya khushyoun kay jhamelon main,

Kahin jo chooorian khanke kuch is tarah jese
Koi jb dhun bajti ho kisi ke ajane se,
kabhi jo saans barhti ho kisi kay cha jane se,

Mohabbat ho hi jati hay,

Tasawwur main, khayalon main, jo aik chehra sa bas jaye
Aur dil angraiyan lekar armano ko gudguda jaye,

Mohabbat ho hi jati hay,

Barish kay un lamho main, jb paani dil main utar jaye
Aur yaad tumhari ajaye aur aansoo bn kar beh jaye,

Mohabbat ho hi jati hay,

Jb dil main saaz bajte hon, aur dharkan tere gun gaye
Jb ankhain khali khali hon, aur teri yaad se wapis bhar jaye,

Mohabbat ho hi jati hay.....!


Details | Zaka Khalid Poem

CHALE AO

Chale ao kay meray gulshan ko sanwar do,
Chale ao ke meri behti hui ankhon ko qarar do,

Ye jo dil tere sapne buna karta hay,
Chale ao kay in sapnon ko apna qarar do,

Main to roz teri yaad main piya krta hun,
Chale ao kay saghar-e-bada ko kar seraab do,

Ye jo dil teri tamanna kia krta hay,
Chale ao kay in tammanaon ko apna hisar do,

Tere bina mera dil ujra hua diyar hua krta hay,
Chale ao ke is ko phir se abad qarar do,

Sharqui teri yaad main peeta chala gaya,
Phir bhi kehte ho meray ane ka jawaz do...????


Details | Zaka Khalid Poem

MAUT

"Zindagi bhr ka bas itna sa fasana hay,
Aaj nhi to kal hamain bhi chale jaana hay,

Talkh zindagi ke samandar main beh kar,
Hamain akhir main kinare se lag jaana hay,

Ye jo sooraj hay, har roz nai zindagi jeeta hay,
Ise bhi har sham maghrib main dhal jaana hay,

Saansain jitni hay jee lo maze lekar,
Akhir main sab ki saanson ko thum jaana hay,

Sharqi sare mosam tujhe yaaad krte hain,
Teri tarah hume bhi ye jism chor jaana hay....!


Details | Zaka Khalid Poem

MOTHER

Light jb jb jati hay, Tb yaad tumhari ati hay,
Is garmi ke mosam main, youn pankha jhaslne ajao,

Jb pani kam kam ata hay, Tb yaad tumhari ati hay,
Youn pani pilane ko aksar, tum din dhale tb ajao,

Moahabbat ki tum pekar ho, Meri dunya ki tum jannat ho,
Meri dunya ko sanwarne ko, tum phir se aik baar palat ao,

Tum aksar meri yaadon main titli ki manind ati ho,
Pal kuch younhi bantne ko, Meray khwaabn main Tum ajao.....!