Un Noche De Melancolia

Que tal te mi querida? Tal vez ta pensa tu comigo ahora, ta tembla na beso amarga del viento amihan, con labio azul, posiblemente ta pensa tu de mi suffrimiento dentro del jaula de soledad, un jaula lleno de furia, como dungeon envuelto na oscuridad, ta puede yo mira nada, excepto el diente del tu amor espinoso, el dulce mordida ta esta siempre na mi pescuezo. Solo en un cama negra, con ojos de lagrimas seco, ta puede mira nada, pero solamente de tuya sombra blanca, cuando el sanidad ya volve na mio sentido, el de tuya sombra ya diriti na umo del madrugada, ahorra hasta cuando ta nada yo na rio del tristeza, ta esperanza na calor del tuya piel mas blanco que la luna llena. Amor mio! Ta pensa gaha tu ahora comigo como you ta pensa contigo ahora? tal vez ya puede tu lei mi carta, cada letra ya escribe mi emocion, con passion mas dulce que de azucar, pero se puede te volve na pueblo de Zamboaga, promite yo na cielo arriba, casa yo contigo na altar de San Ignacio.