Submit Poems
Get Your Premium Membership

Epigramma in Duos montes Amosclivum Et Bilboreum

by
 Farfacio.
Cernis ut ingenti distinguant limite campum Montis Amos clivi Bilboreique juga! Ille stat indomitus turritis undisque saxis: Cingit huic laetum Fraximus alta Caput.
Illi petra minax rigidis cervicibus horret: Huic quatiunt viridis lenia colla jubas.
Fulcit Atlanteo Rupes ea vertice coelos: Collis at hic humeros subjicit Herculeos.
Hic ceu carceribus visum sylvaque coercet: Ille Oculos alter dum quasi meta trahit.
Ille Giganteum surgit ceu Pelion Ossa: Hic agit ut Pindi culmine Nympha choros.
Erectus, praeceps, salebrosus, & arduus ille: Aeclivis, placidus, mollis, amoenus hic est.
Dissimilis Domino coiit Natura sub uno; Farfaciaque tremunt sub ditione pares.
Dumque triumphanti terras perlabitur Axe, Praeteriens aequa stringit utrumque Rota.
Asper in adversos, facilis cedentibus idem; Ut credas Montes extimulasse suos.
Hi sunt Alcidae Borealis nempe Columnae, Quos medio scindit vallis opaca freto.
An potius longe sic prona cacumina nutant, Parnassus cupiant esse Maria tuus.

Poem by
Biography | Poems | Best Poems | Short Poems | Quotes | Email Poem - Epigramma in Duos montes Amosclivum Et BilboreumEmail Poem | Create an image from this poem

Top Andrew Marvell Poems

Analysis and Comments on Epigramma in Duos montes Amosclivum Et Bilboreum

Provide your analysis, explanation, meaning, interpretation, and comments on the poem Epigramma in Duos montes Amosclivum Et Bilboreum here.