Submit Your Poems
Get Your Premium Membership

See and share Beautiful Nature Photos and amazing photos of interesting places

349. Song—Kenmure’s on and awa Willie

Written by: Robert Burns | Biography
 | Quotes (31) |
 O KENMURE’S on and awa, Willie,
 O Kenmure’s on and awa:
An’ Kenmure’s lord’s the bravest lord
 That ever Galloway saw.

Success to Kenmure’s band, Willie!
 Success to Kenmure’s band!
There’s no a heart that fears a Whig,
 That rides by kenmure’s hand.

Here’s Kenmure’s health in wine, Willie!
 Here’s Kenmure’s health in wine!
There’s ne’er a coward o’ Kenmure’s blude,
 Nor yet o’ Gordon’s line.

O Kenmure’s lads are men, Willie,
 O Kenmure’s lads are men;
Their hearts and swords are metal true,
 And that their foes shall ken.

They’ll live or die wi’ fame, Willie;
 They’ll live or die wi’ fame;
But sune, wi’ sounding victorie,
 May Kenmure’s lord come hame!

Here’s him that’s far awa, Willie!
 Here’s him that’s far awa!
And here’s the flower that I loe best,
 The rose that’s like the snaw.