CreationEarth Nature Photos
Submit Poems
Get Your Premium Membership

518. Ballad on Mr. Heron's Election—No. 1

 WHOM will you send to London town,
 To Parliament and a’ that?
Or wha in a’ the country round
 The best deserves to fa’ that?
 For a’ that, and a’ that,
 Thro’ Galloway and a’ that,
 Where is the Laird or belted Knight
 The best deserves to fa’ that?


Wha sees Kerroughtree’s open yett,
 (And wha is’t never saw that?)
Wha ever wi’ Kerroughtree met,
 And has a doubt of a’ that?
 For a’ that, and a’ that,
 Here’s Heron yet for a’ that!
 The independent patriot,
 The honest man, and a’ that.
Tho’ wit and worth, in either sex, Saint Mary’s Isle can shaw that, Wi’ Dukes and Lords let Selkirk mix, And weel does Selkirk fa’ that.
For a’ that, and a’ that, Here’s Heron yet for a’ that! The independent commoner Shall be the man for a’ that.
But why should we to Nobles jouk, And is’t against the law, that? For why, a Lord may be a gowk, Wi’ ribband, star and a’ that, For a’ that, and a’ that, Here’s Heron yet for a’ that! A Lord may be a lousy loun, Wi’ ribband, star and a’ that.
A beardless boy comes o’er the hills, Wi’ uncle’s purse and a’ that; But we’ll hae ane frae mang oursels, A man we ken, and a’ that.
For a’ that, and a’ that, Here’s Heron yet for a’ that! For we’re not to be bought and sold, Like naigs, and nowt, and a’ that.
Then let us drink—The Stewartry, Kerroughtree’s laird, and a’ that, Our representative to be, For weel he’s worthy a’ that.
For a’ that, and a’ that, Here’s Heron yet for a’ that! A House of Commons such as he, They wad be blest that saw that.

by Robert Burns
Biography | Poems | Best Poems | Short Poems | Quotes | Email Poem - 518. Ballad on Mr. HeronEmail Poem |

Top Robert Burns Poems

Analysis and Comments on 518. Ballad on Mr. Heron's Election—No. 1

Provide your analysis, explanation, meaning, interpretation, and comments on the poem 518. Ballad on Mr. Heron's Election—No. 1 here.

Commenting has been disabled for now.