Submit Your Poems
Get Your Premium Membership

See and share Beautiful Nature Photos and amazing photos of interesting places

65. Song—Rantin Rovin Robin

Written by: Robert Burns | Biography
 | Quotes (31) |
 THERE 1 was a lad was born in Kyle,
But whatna day o’ whatna style,
I doubt it’s hardly worth the while
 To be sae nice wi’ Robin.

Chor.—Robin was a rovin’ boy,
 Rantin’, rovin’, rantin’, rovin’,
Robin was a rovin’ boy,
 Rantin’, rovin’, Robin!

Our monarch’s hindmost year but ane
Was five-and-twenty days begun, 2
’Twas then a blast o’ Janwar’ win’
 Blew hansel in on Robin.
 Robin was, &c.

The gossip keekit in his loof,
Quo’ scho, “Wha lives will see the proof,
This waly boy will be nae coof:
 I think we’ll ca’ him Robin.”
 Robin was, &c.

“He’ll hae misfortunes great an’ sma’,
But aye a heart aboon them a’,
He’ll be a credit till us a’—
 We’ll a’ be proud o’ Robin.”
 Robin was, &c.

“But sure as three times three mak nine,
I see by ilka score and line,
This chap will dearly like our kin’,
 So leeze me on thee! Robin.”
 Robin was, &c.

“Guid faith,” quo’, scho, “I doubt you gar
The bonie lasses lie aspar;
But twenty fauts ye may hae waur
 So blessins on thee! Robin.”
 Robin was, &c.

 Note 1. Not published by Burns. [back]
Note 2. January 25, 1759, the date of my bardship’s vital existence.—R. B. [back]